المشاكل العاطفيه

المشاكل العاطفية "

زي السيناريو بيبدأ من سنة أولى

وتقريباً بيبدأ بنفس الشكل مع كل الناس

خلونا نشوف البداية

الولــــد:

انا معجب بيكى جدا من اول مره شوفتك فيها

وبصراحه بقى

يسكت ويبص فى الارض ويتنهد جاااااااامد ويقولها وبصراحه كده بحبك

البنـــــــت :

وشها يحمر وتكسف كده وتقوله وانا كمان

بس كده وتبتدى اجزاء الفيلم العربى

اول سنه

كل شويه مكالمات ومسدات ومسجات بقى وبحبك وحشتينى

ويقولها اجمد كلام ويجبلها اجمد هدايا ويخرجها احلى خروجات وفسح وعزومات

وعيشه ايه جاااااااااااااااااامده جدااااااااااااااااااااااااا

تانى سنه

العلاقة تخف من ناحيته شويه

والبنت تفتكر انه تقلان عليها يا عينى عليها

وتبتدي تجرى وراه وكل شويه مكالمات

وانا بحبك .. انتا بعدت عني ليييييييييييه

تالت سنه

خناقاااااااااااااااااااااااات خناقااااااااااااااااااااااااااات على كل حاجه واى حاجه وده طبعا بيبقى تمهيد للى هيحصل بعد كده

رابع سنه

خلاص بقى هيتخرجوا وابتدت توجع دماغه

البنـــت:

هتيجى تقابل بابا بقى احنا خلاص كلها شهر ونتخرج لازم تكون علاقتنا رسمى

الولـــد:

يضحك اوووى ويقولها رسمى ايه ياماما

هو انتى فاكره انى هاتجوزك ولا ايه انا عمرى ما افكر اتجوز واحده مشيت معاها وخرجت معاها

ايوه احنا عشنا ايام حلوه جداااا انا اتبسط بيها وانتى كمان

بس جواز

لا يا بنت الناس انا مقدرش استامنك على بيتى واسمى

انا ايش عرفنى انتى ممكن تعملى كده مع غيرى وابقى انا نايم على ودانى زى اهلك اللى فى البيت



بس كده وتوته توته فرغت الحدوته

و ده هو أغلب حب الجامعه انا طبعا مبعممش

بس الحاجات اللى بتكمل جد بتبقى باينه من اولها

يعنى لو واحد شاف واحدة وحاس إنها كويسة ومحترمة ودة بيبان من حاجات كتييير

وحط فى دماغه انه يرتبط بيها رسمى

عمره ماهيخرج معاها ولا يزعقلها ادام الناس ولا يمسك ايدها ولا يقولها بحبك كده صراحة وعلانية

بالعكس ده هيحافظ عليها وعلى سمعتها كمان

يبقى ليه الشاب يعرض نفسه والبنت برضه لحاجة هما مش قدها وعارفين إنها ممكن تتعرض للفشل

غير إن العلاقة دي حراااااااااام

المفروض ان الشاب يحافظ على نفسه ويشغل نفسه بحاجات تانية مفيدة

والبنت برضه تحافظ على نفسها لحد لما يجيلها نصيبها إن شاء الله

لإن البنت زي اللؤلؤة اللي بتفضل جوة المحارة لحد لما يجي الشخص اللي يستحق اللؤلؤة دي

وساعتها هيبقى طعم الحب مختلف عند الاتنين

وربنا هيخليهم يحسوا بالطعم الجميل دة علشان هما سمعوا أوامره ومرضوش يعصوه


وسامحوني على الإطالة ..

وكلامي دة وجهة نظر مش أكتر

تسلم الايادى